“Gilan Pivot” heyətinin Yunanıstana işgüzar səfəri baş tutdu

İşguzar səfərin əsas məqsədi Saloniki, Afina (Yunanıstan) şəhərlərində yerləşən və “Rivulis” şirkətinə məxsus zavodların ziyarəti idi. Səfər zamanı bizləri Azərbaycandakı 4 böyük partnyorumuzun (“Agrarco, AzRose, Grand Agro, Astarachay”) mühəndisləri də müşayiət etdi. Səfər çərçivəsində Rivulis şirkətinin mütəxəssiləri tərəfindən heyətimzə damcı suvarma sistemlərinin qurulma prosesi və texniki xüsusiyyətləri, bu sistemlərin su resurslarının istifadəsində qənaətcil töhfəsi, məhsuldarlığın artırılması və eroziyanın qarşısının alınması baxımından yaratdığı üstünlüklər barədə mini seminarlar keçirildi. Səfərin növbəti günlərində Rivulis şirkətinin Afina, Saloniki şəhərlərində yerləşən zavodlarına ziyarətimiz baş tutdu. Ziyarət zamanı şirkətin satış direktoru tərəfindən markanın beynəlxalq miqyasda tətbiq etdiyi müasir suvarma texnologiyaları ilə bağlı təqdimatında iştirak etdik, həmçinin, şirkət tərəfindən qurulmuş damcı suvarma sistemləri ilə yerində tanış olduq. Bu səfər müasir suvarma texnologiyaları ilə əyani tanışlıqla yanaşı, ölkəmizdə aqrar sahədə innovativ həllərin tətbiqi və səmərəli su təsərrüfatının əhəmiyyətini bir daha önə çıxartdı.

Qeyd edək ki, pivot və damcı suvarma sistemlərinin layihələndirilməsi bazarında 10 ildir aktiv fəaliyyət göstərən “Gilan Pivot” şirkəti “Rivulis” markasının Azərbaycan üzrə rəsmi dileridir.