ƏETİ və "Gilan Pivot" əməkdaşlıq haqqında memorandum imzalanıb.

Əkinçilik Elmi-Tədqiqat İnstitutunun (ƏETİ) və "Gilan Pivot" şirkətinin rəhbərlikləri arasında kənd təsərrüfatında suvarma texnologiyalarının inkişafı ilə əlaqədar əməkdaşlıqla bağlı memorandum imzalanıb. Memorandum Bakıda keçirilən 18-ci Beynəlxalq Kənd Təsərrüfatı Sərgisində baş tutub.

Memoranduma əsasən ƏETİ və "Gilan Pivot" arasında kənd təsərrüfatı məhsuldarlığının artırılması üçün müasir suvarma texnologiyalarının tətbiqi, yeni layihələrin hazırlanması və elmi-tədqiqatların birləşdirilməsi barədə razılığa gəlinib. Əməkdaşlıq suvarma sistemlərinin optimallaşdırılması və torpaqlarda su israfının qarşısının alınması məqsədini daşıyır.